inosen兮台華語有聲BLOG
關於部落格
多謝你來看,歡迎多多宣傳本部落格喔!本部落格建議使用Firefox來看,一寡字體才走會出來!
  • 45935

    累積人氣

  • 0

    今日人氣

    0

    訂閱人氣

(台)值得紀念兮日子

再會,中華民國替代役!我自zim開始著是一般公民囉!以後只要有錢,我著會當去世界各國,毋免國家同意囉! 非常兮歡喜! 我隨時著走去學校申請復學,我zim閣是博士班研究生囉! 差不多卜500工兮日子,除了頭前2個月是訓練較辛苦以外,佇咧單位兮日子大部分攏袂講介辛苦,需要我鬥腳手兮阿姨嘛是共(ga)我當做後生塊照顧,而且佇咧真濟議題嘛是共伊想法真仝,算是拄著貴人,互我佇單位會當平平安安退役。 雖然內底有真濟泛藍人士,in兮想法有真濟袂當認同,毋閣我總算了解公家機關內底儂兮想法,以及in泛藍支持者兮思考方式,確實共我真無仝。 內底上奇怪兮著是管阮替代役兮長官,有夠無聊,應該管兮無卜管,無應該管想濟煞一直管,而且從來毋捌為役男兮福利來設想,咱兮交通費是3個月領一個月兮錢,伊講錢無夠,毋閣到年底煞會當買新冰箱佮洗衫機互阮(明明著有2台佇咧呢),阮上需要兮「檯燈」佮交通費煞攏無通得著,真是奇怪!嘿嘿...... 退伍囉!我是自由之身囉!我是一般公民囉!以後中華民國共我兮關係著cun抽稅囉! 我自由囉,我出運阿!
相簿設定
標籤設定
相簿狀態