追蹤
inosen兮台華語有聲BLOG
關於部落格
多謝你來看,歡迎多多宣傳本部落格喔!本部落格建議使用Firefox來看,一寡字體才走會出來!
  • 46002

    累積人氣

  • 0

    今日人氣

    1

    追蹤人氣

(台)慶祝!來遮兮人次超過1萬儂!

毋閣,昨暗知影一件互我真傷心兮代誌。昨日轉去三重埔辦新兮「中華民國」身份證時,有順煞轉去厝裡看看咧,結果哥哥共我講:阮兜兮狗小波已經死去啊!我過兩工才發現伊好參像無啥物愛食物件,cua(帶)伊去看醫生,醫生講是亂食物件,物件ke(卡)佇咧氣管,所以無法度食物件。阮哥講伊是真無愛食肉作兮狗飼料,所以才會去掀阮哥食剩(cun)兮物件(伊嘛是食素)。真是可憐,後來哥哥講伊干但會當用飲(lim)兮,無法度食物件,到一禮拜了後,著死去啊!啥講動物無靈性,阮兜兮著真無愛食肉,真愛食素食,我本底想卜去買狗素食飼料互伊食,若是量早買互伊食,哥哥若是較ziann(常)去關心狗仔兮狀況,換勢伊著袂遮呢早著死去囉!伊才4-5歲耳耳! 伊是真同通人性,嘛真愛sai-nai(撒嬌),三不五時會想卜來共我睏,我有一擺揣伊出去憩陶(cit-tor),伊嘛是攏帶互我真好兮安慰,想袂到伊竟然按呢著死囉,真是傷心,連伊最後一面嘛無看著,嗚嗚,昨暗想著,竟然佇公車頂著開始流目滓(bhak-sai),希望小波一路好行,若是有後世儂,會當做人,嘛愛作一個好人,會當快樂過一生。
相簿設定
標籤設定
相簿狀態