inosen兮台華語有聲BLOG
關於部落格
多謝你來看,歡迎多多宣傳本部落格喔!本部落格建議使用Firefox來看,一寡字體才走會出來!
  • 45935

    累積人氣

  • 0

    今日人氣

    0

    訂閱人氣

(台)真水e台灣國郵票

海翁gah海豚e郵票。

 

我感覺畫gah真好,版面magah真水,台灣國e字袂傷過大。內底是大頭鯨,殺人鯨(虎鯨)iah閣有瓶鼻海豚。這應該攏是台灣東部會當看著e海翁gah海豚。有儂講咱台灣e島嶼形狀好參像是一隻大海翁,海洋ma會當講是未來台灣儂應該aie開闊包容精神。

 

台灣烏熊e郵票

 

即幾張是烏熊,台灣烏熊真是非常古錐,毋閣我1994e時陣di咧嘉義e山頂看著互儂關咧e烏熊,一隻手無去囉,隔壁著是一間山產店,我永遠攏會記得hit隻烏熊e哀怨e眼神,真是可憐,現在我會食素食,有部份原因著是無想bheh有動物為著我來受苦。玉山國家e管理處講:事實上,di咧保護區外圍附近e所在,非法e人類拍獵活動一來講般比起di咧保護區內底閣較懸,所以黑熊di遮此遭遇不測e機率ma應該比較較(kah)懸。這好參像ma會當部分解釋為啥麼研究人員di玉山國家公園內底掠著做記號閣放生e15隻黑熊當中,8隻有斷掌iah是斷踵頭仔e現象這是黑熊曾誤中獵人「陷阱」閣逃走所留下e證據。

 

 

逐家若是有興趣會當閣去看台灣烏熊生態保育網e資料。

 

 

台灣玉山e郵票

 

這是咱台灣e懸山,真遺憾我iah無機會去爬過,我感覺咱台灣一生當中應該ai去看一擺玉山,大學應該gah爬玉山當做是畢業e基本需求,除了身驅無好e儂,攏應該去爬玉山一擺。

 

 

1996年第一擺坐飛龍機去澎湖,ui飛龍機頂看著台灣,一爿是山,一爿是海,山頂攏是雲霧,真正是水。閣有一擺去小鬼湖(1994),山色真實在有影水,根本無法度用語言來形容,好參像是山水畫仝款,hit當時,去到小鬼湖e時,本底攏是霧,想袂到,過無外久,竟然霧散去,湖光山色,湖水頂面有山e影,互儂感覺天下美景應當不過如此吧e讚歎。有真濟儂開大錢去國外看山景,我iah是認為台灣e山比起外國e山閣較水,每一座山e形狀攏無相siann

 

 

續落來是古地圖gah玉山以及百合花e郵票

即張e玉山我認為是比頂面hit張閣水,百合花ma是真水,di咧排灣族當中這花是非常神聖e代表,荷蘭儂di400年前來台灣,ma畫真濟地圖,hit當時是畫圖技術拄拄開始發展,這代表外國儂看台灣e觀點。

 

 

閣來是台灣e淡水魚,主要有國寶魚,台灣鮭魚。

 

 

最後是消失e台灣雲豹,一張真可惜,因為圖畫gah毋是界好。

 

 

ma會當得著遮e郵票,我gah林先生ma無熟識,即個網站ma無允准儂拍廣告,恁會當家己去:http://books.oceantaiwan.com/Taiwan/index.html 看覓咧。

 

相簿設定
標籤設定
相簿狀態