inosen兮台華語有聲BLOG
關於部落格
多謝你來看,歡迎多多宣傳本部落格喔!本部落格建議使用Firefox來看,一寡字體才走會出來!
  • 45935

    累積人氣

  • 0

    今日人氣

    0

    訂閱人氣

(台)我如何成為台灣人--全世界都在哈台灣徵文活動

3. 點名三至五個人,在文末附上他們的部落格網址,並通知被點到的人。 4. 徵文至5/20止,5/21-5/27為網路票選活動,作者均可在公平原則下自由宣傳拉票,得票數最高之前三名者可得新自然主義出版之《漫畫台灣史》一套(共10本)。投票活動網址http://blog.yam.com/2006tw/archives/1466595.html 二十世紀前半葉,台灣人被教導「你是日本人」,二十世紀後半葉,台灣人被教導「你是中國人」。四百年來,台灣歷經荷蘭、西班牙、中國、日本的統治,你是如何覺醒而成為真正的台灣人的呢?和所有人一起分享你的故事吧! 我如何成為台灣人 以下是用通用拼音e台音輸入法拍e字,為著拍字速度緊,拼音e部份我攏無加調號。我對著台灣羅馬字ma是真尊重,我用通用拍字主要是in e輸入法較好用。 我是1975年出世e,阮兜dua佇三重埔,有真濟ui中南部起來台北拍拼e移民。我e老母是伊細漢時著gah阮阿公ui雲林到台北e,我e老父是在地e台北儂。會記得我細漢e時陣,厝裡儂攏是ham我講holo話,所以我deh六歲去幼稚園進前攏毋bat聽過華語。hit時陣holo話deh三重埔閣是真強勢e語言,我deh國校e時陣,雖然deh學校上課e時攏時用華語,毋閣下課同學做伙sng(玩)時,逐家攏是用holo話。 細漢時對著啥物台灣儂iah是中國儂攏無啥物意識,干那會記得一項代誌,著是有一擺阮阿兄參加一項比賽e時,叫阮ai寫啥物祖籍,而且攏是中國e省分,結果阮媽媽著只好寫福建省,我hit當時閣問阮媽媽講,咱到底是佗位儂,會記得我對著政治無啥物興趣e媽媽竟然講一句互我印象真深e話:憨囡仔,咱是台灣儂啊。我hit當時,閣真認真去揣阮兜hit本寫所有祖先e忌日e冊,我看著第一個爸爸hit爿e祖先是260外年前ui唐山來,若是按呢算起來,老父hit爿若真正是唐山來e(有真濟族譜攏是假e),至少來台灣有卜(bheh,要)三百年囉,哪有儂連祖先來台灣攏卜三百年,閣會認為家己是唐山儂?我後來讀歷史,有看著一本日本儂拄來台灣時編e台語對話冊(1897年),有看著有一句對話,「是你是ui唐山來e?iah是本地儂? 」代表hit時陣已經開始分是毋是台灣本地儂囉。 佇咧國校e時,干那會記得deh學校寫文章e時,著算講是去校外旅遊ma寫遊記,ma是ai寫講:著算講咱今仔日非常幸福deh zia(這裡)sng(玩),ma袂當gah咱大陸濟濟受共產黨暴政e苦難同胞放袂記得,總有一工一定ai解救大陸同胞。按呢,老師著會至少互我85分。Hit時陣,學校有時陣ma會上「保密防諜」e課,而且攏教講台獨gah中國共產黨攏是仝路儂,是會對中華民國有真大e傷害。 到國中e時陣(1988-1991),雖然外口世事變化真濟,我其實攏無塊注意,干那是用功讀冊,會記得國文老師佇咧上課時,對著1989年天安門事件e死傷者感覺真傷心,ai阮逐家為in祈禱,hit時陣,我zia知影我對著中國大陸e同胞其實是無啥物感情e,毋閣我iah是認為家己是中華民國e大國民,並無啥物變化。甚至bat對著我e父母講,等恁e攏轉去了後,咱台灣著cun(剩下)國語囉,hit時陣我受著國民黨教育e影響閣真深,而且我ma受著媒體e影響真濟,認為zia e民進黨攏是造成國家動亂e歹分子,ma真袂當認同台獨,我閣想講有一日若是gah中國統一,咱著是世界強國。 毋閣到高中e時(1991-1994,我讀師大附中),我有一日想著一個問題,為啥麼in卜主張台獨,為啥麼民進黨e儂e按呢,hit當時,台灣e冊店開始有台灣研究e冊,我著開始一本一本看,看著228事件e時陣,我塊冊店竟然看gah哮出來,即個自細漢教我ai愛中國e政權竟然時zia呢歹。雖然阮兜細漢時,阮媽媽開路邊擔仔,逐個月攏ai送錢互警察,警察ma真歹,毋閣我hit當時閣無真深e認識,到我高中看著濟濟e台灣史e冊了後,我覺醒啊,我決定卜讀歷史系。 大學聯考無考好,選著政大哲學系(1994-1995),政大是以前e黨校,所以閣有蔣介石e銅像,hit時陣閣有學生暗瞑去塊蔣介石e頭殼定kam(蓋)內褲,ma有儂四界潑油漆。我ma對著政大e黨校氣氛真無欣賞,所以二年e時著轉學到台大(1995),到台大歷史系zia發現,台灣史e老師真好,我開始參加社團,阮e社團毋是政治色彩介重e,阮是四界去台灣看古蹟gah人文風景,我一個台北囡仔,頭一遍遐爾認真gah台灣行透透,hit時陣e台灣儂是遐爾a熱情,對阮即款生份儂ma是真好,互阮真濟幫助。 現在我是一個台灣史e博士班研究生,我iah是袂當放袂記我高中看著228事件受難者家屬e證言時e感動。雖然台灣e情勢比以前閣較艱難,毋管是台灣內部iah是外部,攏是有真濟儂想卜出賣iah是食掉台灣,毋閣我對台灣有信心,咱台灣儂一定會當行過一切e風風雨雨(hong-hong-u-u),行向光明e未來,只要咱逐家做伙拍拼! 我點名: 曾韋禎部落格:http://blog.yam.com/weichen 尚璟發條:http://blog.yam.com/iffreya 要做世界的台灣:http://blog.yam.com/guguan 英雄要賣大滷麵:http://blog.yam.com/goetz
相簿設定
標籤設定
相簿狀態