inosen兮台華語有聲BLOG
關於部落格
多謝你來看,歡迎多多宣傳本部落格喔!本部落格建議使用Firefox來看,一寡字體才走會出來!
  • 45935

    累積人氣

  • 0

    今日人氣

    0

    訂閱人氣

(台)相信是學道兮(e)出路

我前幾工去參加一貫道兮學界天人合一班,濟公老師有臨壇慈訓,題目是出路之道。 提出啥物是出路之道。第一,相信是學道兮出路,第二相讓是學德兮出路,第三,相契是學業兮出路,第四,相成是學佛兮出路。 當中,我上有心得兮著(diorh)是相信即(zit)條。這毋但(m-na)是學道兮根本,嘛(ma)是做代誌兮成功之道。學道若是無相信,是卜(bheh)按怎得救, 做代誌若是無相信,na會成功。咱人若是無發心,著只是一個人,若是發心,若是bheh做啥物事業著一定會當成就。 以前聽過一個故事,一個美國兮婦仁人,伊只是一個家庭主婦爾爾(nia-nia),m-gu伊有一工知影地雷對人兮傷害,伊發心bheh互即個世界攏無地雷, 最後伊透過網路,互全世界兮人知影地雷造成兮危害,到尾仔,互世界所有兮領袖簽訂條約,無bheh閣用地雷做武器,而且bheh幫助其他國家來ga 地雷拆掉。伊本來只是一個家庭主婦,因為伊兮發心,並且去實踐,所以伊diorh會當改變即個世界一寡代誌.。 我最近開始讀紅皮聖經,即本冊是1972-3年由天主教gap新教合作翻譯兮台語白話聖經,後來互國民黨抄去。後來有一個牧師想diorh即本冊, 著開始改寫做漢羅版本。我di咧新約聖經看著愛有信心,因為你兮信心,你所向望(ng-bhang)兮代誌著會成功。 其實嘛是gap老師講兮意思差不多仝款。 即ma看著咱台灣大家鬥鬥去,大家攏看對方看gap真刺目,好參像大家攏是冤仇人,嘛ga-na真嚴重,攏無法度解決問題,認為家己是一個人,啥物攏 無才調做,著只會曉出一隻嘴。罵來罵去。 以前兮我嘛是按呢兮人,但是,咱若是會當發心做一寡代誌,著一定會成功。 差不多一冬外前,我兮一個老師di咧怨嘆講伊所負責兮人權博物館互立委阻擋,袂當成立。 我即ma有一個想法,袂當干單(ga-dann)靠政府兮力量來做,咱會當用民間兮力量來成立,代先一寡團體來組成紀念館設立委員會,大家出錢出力, 先做台灣人權教育gap歷史兮巡迴展覽gap演活動,dui台灣兮社區gap學校代先做起,然後會當na訓練學生gap有心人做人權義工,ma會當na募款,當做 是起博物館館兮經費。用咱台灣人兮力量來起一間屬於咱台灣人兮人權博物館,互咱知影台灣過去是按怎di咧威權統治下,造成對人性兮無信任,咱又閣 是按怎行到即ma即個時代,會當m免驚半眠互人掠走。又閣是為啥麼即ma大家遮ni(zia-ni)互相怨恨兮地步。 經過即種台灣所有族群集體兮心理治療過程,咱共同來知影過去發生啥物代誌,m是bheh拾恨(kioh-hun),是 bheh互咱所有想bheh di zia 和平平等過日兮台灣人,會當知影為啥麼台灣會行到今仔日兮地步,若是bheh 和解,著愛企(kia)di咧即個過去記憶兮出發點,zia有法度找著出路。 iah閣有真濟想法,另日(ling-rit)zia來寫了。

相簿設定
標籤設定
相簿狀態