追蹤
inosen兮台華語有聲BLOG
關於部落格
多謝你來看,歡迎多多宣傳本部落格喔!本部落格建議使用Firefox來看,一寡字體才走會出來!
  • 45958

    累積人氣

  • 0

    今日人氣

    1

    追蹤人氣

(台)20050824-26高雄市佮美濃旅遊記(1)

即工,我先ui台北坐車到台南火車頭,然後zia坐火車到高雄火車頭,等我兮女朋友ui新營坐火車gah我會合。我是差不多十二點到高雄市兮,女朋友有代誌所以bheh一點zia到,阮著先去租機車,然後去飯店check-in,結果,因為房間內底有一個味,阮換二gai zia換著較好兮房間,然後阮著去找食物件兮所在,阮攏是食素兮儂,所以我進前就印好所有兮高雄素食店,m-gu阮iah是找真久zia找著食兮所在,因為阮對高雄兮路攏無熟,所以開真濟時間找路,而且阮本來找著一間慈香庭兮港式飲茶,想講港式飲茶一定下晡ma有通好食zia對,想袂到,阮一入去內底,服務員gan-na是看著賊仔仝款,問阮是bheh創啥,好參像所有兮儂攏愛知影in下晡歇睏,態度真bhai,聽講in兮是袂歹食,我zia來食看覓,想袂到in兮態度ziah-ni bhai,而且港式飲茶通常是下晡ma有通好食zia對啊,若會下晡顛倒咧歇睏,閣對阮歹聲嗽(pai-siann-sau),互我感覺真無好。 而且高雄市兮空氣實在是真bhai,害我一開始就對高雄兮印象無講gai好,到後來,阮就往高雄市兮西爿去,著是鹽埕區,空氣是lu來lu好,我di咧路上有看著真濟較舊兮建築物,有看著一間足舊兮戲院,後來阮去到高雄兮武德殿,是日本時代日本儂練武兮所在,頭前ma有真水兮樹仔,若參像是樹厝,真好sng,頂guann兮裝飾(zong-sik)ma是一支箭真特別,即間武德殿是1924年(大正13年)起兮,歷史是真久,是高雄上大兮。佇hia我感覺真爽快,因為空氣好,而且我是真愛看日本式兮建築。 後來阮著去食烏糖豆花,然後繼續往海邊去,到一個叫雄鎮北門兮炮臺,是di咧叫做哨船頭兮所在,附近就是西仔灣,阮會當di hia看著真濟貨船出入港,一點鐘著有真濟船出入,我ma ui女朋友身上學著真濟船兮知識,我兮女朋友是讀海洋大學畢業兮,伊ma會曉駛船,所以對船兮知識是真豐富,伊講你看每一隻船入來咱台灣兮領海,攏愛掛咱兮「國旗」,所以你會當看著每一隻船攏有掛咱兮「國旗」gah in 註冊國兮國旗,若是出港兮船,出去了後著會當gah 港口所屬國家兮國旗teh落來。我想應該是表示和平兮意思,而且有兮大船會放汽笛,是為著bheh互細隻船仔知影有大船來囉,ma是真horsng,我以前ma有去過基隆,m-gu我感覺高雄兮船較濟較大,聽講高雄di咧世界ma是排有名兮,我閣有看著北韓兮船,原來咱台灣兮港口真正是國際化兮港口,真濟儂攏會想講台灣兮真濟建設是國民黨建設兮,這是真大兮錯誤,因為以高雄為例就是日本儂開真濟氣力zia創造出來兮港口,連所謂中油ma是ui日本時代開始建設兮,基隆港ma是仝款,鐵枝路差不多攏是日本儂創兮,現在兮鐵路(台北到新竹)毋是經過劉銘傳兮路線,而且其他攏是日本儂做兮,國民黨後來只是創真細條兮路線nia-nia,suah講gah嘴角全波,gan-na攏是in建設兮,真是好笑。 後來阮著轉去市區,一擺阮是行五福路,袂bhai,創gah真好勢,in兮路標暗時會發光,路燈ma是真有特色,我想一條路應該是in兮示範道路,城市光廊ma是di即條路上,m-gu di咧施工所以無法度看,真可惜,女朋友講是袂歹看,阮食飽了後,著去「新堀江」se se看看,有單薄仔像細兮西門町,真細條,m-gu ma是真鬧熱,我是感覺高雄兮查某囡仔生gah袂歹看,ma真會曉穿衫,著是算講穿插(cingcah)閣袂bhai,m-gu iah是我兮水某上水啦。 後來阮轉去dua兮所在時,本來時想bheh明仔再先去屏東兮海生館sng,m-gu經過一番兮爭論了後,阮決定明仔早睏起來了後,著去美濃
相簿設定
標籤設定
相簿狀態